اهلاا وسهلاا بكم في منتدي عرب ليونز بوكز

بداية اعتذر لعبدو باشا على وضعى لموضوع منقول ولكن الموضوع مميز جدا ومهم فى نفس الوقت
على الاقل احصائياته ممكن تعطينا ضوء على مستقبل محركات البحث وانا ححاول الخص الموضوع مع الاضافة له على قد ما اقدر بدل ما جوجل تاخد فكره وحشه عن عبدو باشا
نبدأ على بركة الله :

اولا : نسبة الزوار بالنسبة لمراكز البحث :
احصائية عن نسبة الزوار اللى بيدخلوا نتائج البحث طبقا لترتيبها اظهرات ان 42% للضغطات بتروح للمركز الاول
12% للمركز الثانى
طبعا فرق كبير جدا ويعتبر حوالى 70% فرق
متخيل بقى انت لو مش موجود فى الصفحه الاولى اساسا حيكون ايه وضعك
المركز الثالث بقى بياخد 8%
المركز الرابع بياخد 6.2%
الخامس 4.9
السادس 4.1
السابع 3.4
الثامن 3.1
التاسع 2.7
العاشر 2.9

شوية ملاحظات مترتبة على الترتيب السابق
اولا : من الاخر المركز الاول بيستولى على تقريبا نص الزوار القادمون من الكلمة المفتاحيه المعينة دى
والمركز الثانى بياخد 12% فقططططططططططط
فرق كبير جدا
ثانيا : نستفيد من الاحصائية دى هو عدم الاكتفاء بمجرد الوصول للصفحه الاولى وانما نحاول نطلع اكتر فى النتائج
ثالثا : لو حضرتك فى ثامن نتيجة مثلا والكلمة صعبة جدا وقدامك كلمه اسهل شوية يبقى تفك دماغك من الاولانية لان حتى لو طلعت تلت او اربع مركز كمان عدد الزوار مش حيزيد بالدرجه الكبيرة
رابعا والاهم : تقدر لو انت فى النتيجة العاشرة انك تتوقع عدد الزوار اللى حتحصل عليه لو بقيت فى النتيجة الثالثة مثلا او الثانية او حتى الاولى
خامسا : لو حضرتك بتنافس على كلمة سهلة وزوارها حلوين وانت فى المركز الخامس يبقى تموت نفسك علشان توصل للمركز الاول بل وحاول توصل لاعلى من المركز الاول لو تعرف تحط موقعك بدل لوجو جوجل

صورة حلوة بقى للترتيب السابق علشان الشرح يكمل صح

على فكرة النسب المذكورة واقعية جدا وانا لما شوفت الاحصائية قارنتها بوضعى فى الشهور اللى فاتت فى كلمات معينة ايام ما كنت فى المركز الثالث او الرابع ثم الاول وهكذا ولقيت ان النسب فعلا واقعية للغاية
ممكن لو انت فى مركز متأخر عن المركز الاول هو انك تستخدم وصف جيد جداااااااااااااا للصفحه بحيث تشد الزائر وتلفت انتباهه

انتظروا الجزء الثانى الاتقل من النهاردة واللى حيبقى فيه شوية ارقام كبيرة اوى
يا ريت تكونوا استفدوا من الاحصائية